Me Hakan Ke Nunawa?
Daga Aminu Bala Madobi
Majalisar Zartarwa ta Tarayya (FEC), karkashin jagorancin Shugaba Bola Ahmed Tinubu, ta amince da wasu manyan ayyukan tituna da wasu yarjejeniyoyin concession a taron da aka gudanar a Abuja. Rahotannin baya-bayan nan sun nuna cewa jimillar ayyukan da Ma’aikatar Ayyuka ta gabatar ta kai kusan ₦438 biliyan, yayin da wasu alkaluman da aka tara tare da concession suka haura wannan adadi.
A cikin jerin da ake ta yadawa, Kudu maso Yamma ce ta fi samun kaso mafi girma, inda aka danganta mata ayyukan da suka kai kusan ₦459.14 biliyan. Wannan ya sa ake ta cece-kuce kan yadda ake rarraba manyan ayyukan gwamnatin tarayya tsakanin yankunan kasar.
Sai dai lissafin da aka yi kan ₦459.14bn daga cikin ₦610.10bn ya nuna cewa Kudu maso Yamma ta kai kusan kashi 75.25%, ba kashi 83% kamar yadda wasu bayanai ke yadawa ba. Wannan bambanci yana da muhimmanci wajen fahimtar ainihin rabon kudin.
A bangaren Kudu maso Kudu kuma, an bayyana aikin Port Harcourt–Eleme Junction–Onne Port Junction na kilomita 15 da darajarsa ta kai ₦74.51 biliyan. An ce aikin an bai wa RCC Nigeria Ltd. kuma ana sa ran kammala shi cikin watanni tara.
Haka kuma, Arewa ta Tsakiya ta bayyana cikin jerin da ake magana a kai, musamman aikin Dikko–Maje, wanda yake cikin hanyar Suleja–Minna, da aka kiyasta a ₦56.75 biliyan karkashin yarjejeniyar concession ta shekaru 40. Wannan yana nuna cewa ba daidai ba ne a ce babu wani aiki da aka amince da shi a Arewa baki daya.
Abin da ya fi tayar da tambaya shi ne rashin bayyana Arewa maso Yamma da Arewa maso Gabas cikin wannan takamaiman jerin ayyukan da aka tara alkaluman rabon kudin. Wannan ba lallai ya zama hujjar cewa gwamnati ta cire wadannan yankuna daga dukkan ayyukan hanyoyi ba, domin akwai wasu manyan ayyuka da kasafin kudi daban-daban a wadannan yankuna.
Saboda haka, abin da ya dace a ce shi ne: akwai gagarumin rashin daidaito a wannan takamaiman kunshin ayyukan, musamman ganin yadda Kudu maso Yamma ta samu mafi yawan darajar ayyukan da aka lissafa. Amma bai kamata a ce an raba dukkan kudin hanyoyin Najeriya na gwamnatin Tinubu aka bai wa yankuna hudu kawai ba, domin akwai wasu ayyukan hanyoyi da kasafin kudi da concession daban-daban da ke gudana a sauran yankunan kasar.
Ina gizo ke sakar?
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t