🔴 MANYAN LABARAI 5 NA SAFE
1. Kano: An Hukunta Mutane Biyu daurin Shekaru Tara
Wata kotu a Kano ta yanke wa wasu mutane biyu hukuncin ɗaurin shekaru tara kowannensu, bisa laifin samar da rubber solution da wasu abubuwan maye ga yara masu rauni.
2. Sojojin Najeriya Sun Dakile Harin ISWAP a Sansanin Sojoji a Borno
Dakarun Najeriya sun fatattaki mayakan ISWAP da suka kai hari kan wani sansanin soja a Pulka, Borno, tare da tilasta musu ja da baya.
3. Tinubu Ya Dakatar da Manyan Sakatarorin Gwamnati Uku
Shugaba Bola Tinubu ya dakatar da manyan sakatarorin uku tare da bayar da umarnin bincike kan zargin ƙirƙirar wata hukumar gwamnati ta bogi.
4. Farashin Mai Ya Kusa Kai Dala 100 Kan Ganga
Farashin danyen mai na Brent ya sake tashi zuwa kusan dala 100 kan ganga yayin da rikicin Gabas ta Tsakiya ke ƙara haifar da fargabar matsalar samar da mai a duniya.
Reuters
5. Wasanni: Osimhen da Lookman Sun Rasa Gurbi a Jerin Ƴan Takara na Ballon d’Or 2026
‘Yan wasan Najeriya Victor Osimhen da Ademola Lookman ba sa cikin jerin ‘yan wasa 30 da aka tantance domin kyautar Ballon d’Or ta 2026.
🟢 KANO
6. Kano Ta Ƙara Ƙarfafa Tsaron Ƙananan Hukumomi.
An amince da kafa sabbin sansanonin sojoji a wasu ƙananan hukumomin Kano da ake ganin suna fuskantar barazanar tsaro, domin ƙara kare al’umma.
7. Kano: An Samu Nasarar Hukunta Masu Samar wa Yara Abubuwan Maye
Task Force mai yaƙi da shaye-shayen miyagun ƙwayoyi a Kano ta saka an yi hukuncin ɗaurin shekaru tara ga mutum biyu da aka samu da laifin bawa yara kanana abubuwan maye.
8. Mutuwar Peter Onwubuariri: Tinubu da Gwamna Abba Yusuf Sun Yi Ta’aziyya.
Shugaba Bola Tinubu da Gwamnan Kano Abba Kabir Yusuf sun bayyana alhininsu kan rasuwar Peter Onwubuariri, wani ma’aikacin yaɗa labarai na fadar shugaban ƙasa, wanda ya rasu a Kano bayan fama da rashin lafiya.
🇳🇬 NAJERIYA
9. Lagos APC Ta Fara Yaƙin Neman Zaɓen 2027.
Jam’iyyar APC a Lagos ta fara ayyukan yaƙin neman zaɓen 2027, tare da bayyana goyon bayanta ga neman Shugaba Bola Tinubu ya sake tsayawa takara.
10. Sojoji Sun Ceto Mutane 12 a Zamfara.
Dakarun Najeriya sun ceto mutane 12 da aka yi garkuwa da su tare da dakile wasu yunƙurin sace mutane a ƙananan hukumomin Kaura Namoda da Tsafe na Zamfara.
11. Kotun Ɗaukaka Ƙara Ta Tabbatar da Hukunci Ga Tsohon Shugaban NEXIM Bank.
Kotun Ɗaukaka Ƙara ta tabbatar da hukuncin ɗaurin shekaru 490 da aka yanke wa tsohon Manajan Darakta na NEXIM Bank, Robert Orya, kan laifin damfara.
Punch
12. ASUU Ta Fara Yajin Aiki a UNIZIK.
Kungiyar ASUU ta fara yajin aikin sai baba-ta-gani a Nnamdi Azikiwe University, Awka, kan batutuwan da suka haɗa da rashin biyan wasu hakkokin ma’aikata.
Punch
13. NDA Za Ta Kammala Karatun Cadets 444 da Ɗalibai 3,064.
Nigerian Defence Academy a Kaduna na shirin bikin yaye ɗalibai 444 na kwas ɗin soja da kuma ɗaliban digiri na gaba 3,064.
Punch
🌍 KASASHEN WAJE
14. Rikicin Gabas ta Tsakiya Ya Ci Gaba da Tura Farashin Mai Sama.
Farashin Brent ya ƙara matsowa kusa da dala 100 kan ganga yayin da hare-hare a Gabas ta Tsakiya ke ƙara haifar da fargabar katsewar samar da makamashi.
Reuters
15. Hare-haren Rasha Sun Kashe Mutane a Ukraine.
Shugaban Ukraine Volodymyr Zelenskyy ya soki abin da ya kira rashin isasshen martanin duniya bayan sabbin hare-haren Rasha da suka shafi Kyiv da wasu birane. An tabbatar da mutuwar akalla mutane biyu.
The Guardian
16. Ukraine Ta Nemi Ƙarin Makamai Masu Linzami na Patriot.
Ukraine na shirin samun kusan makamai masu linzami na Patriot 1,000 ta hanyar tallafin ƙasashen Turai da kawayenta, yayin da take ƙarfafa kariyar sararin samaniya.
The Guardian
⚽ WASANNI
17. Eguavoen Ya Zama Kocin Rikon Kwarya na Super Falcons.
Austin Eguavoen ya samu sabon aikin jagorantar Super Falcons a matsayin kocin rikon kwarya gabanin wasannin neman gurbin gasar Olympics.
18. Falconets Za Su Nemi Gyara Bayan Rashin Nasara da Spain.
Tawagar Najeriya ta U-20 mata, Falconets, na shirin gyara kurakuransu a wasansu na gaba bayan rashin nasara da Spain a gasar FIFA U-20 Women’s World Cup.
20. Arsenal da Liverpool Za Su Fara Gangamin Champions League.
Arsenal da Liverpool na daga cikin manyan kungiyoyin Ingila da ke shirin fara wasanninsu na Champions League yayin da gasar ke ci gaba da jan hankali.
Talksport
— ALFIJIR LABARAI —
Accurate • Timely • Trusted
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t