TAƘAITATTUN LABARAN KANO
1. Kano Ta Kafa Kwamitin Yaƙi da Cutar Diphtheria
Gwamnatin Kano ta kafa kwamiti na musamman domin ƙarfafa matakan dakile yaduwar cutar diphtheria a jihar.
Ma’aikatar Lafiya ta ce cutar na buƙatar haɗin gwiwar hukumomi da al’umma.
Punch Newspapers
2. Kano Ba Za Ta Rufe Makarantu Saboda Diphtheria Ba
Gwamnatin Jihar Kano ta ce ba ta da shirin rufe makarantu ko dage komawar ɗalibai makaranta saboda barkewar diphtheria, tana mai cewa halin da ake ciki bai kai matakin rufe makarantu ba.
3. Rundunar Yan Sandan Kano Ta Mayar wa Masu Motoci Hudu Da Aka Sace Motocinsu
Rundunar ’Yan Sandan Kano ta mika motoci huɗu da aka gano an sace ga masu su, bayan wasu ayyukan bincike da kama waɗanda ake zargi da aikata laifukan.
Business Times
4. Kano Pillars Ta Yi Nasarar Farko A Ƙarƙashin Ogunmodede
Kano Pillars ta doke Niger Tornadoes da ci 3–2 a filin wasa na Sani Abacha, inda nasarar ta zama ta farko ga koci Daniel Ogunmodede tun bayan da ya karɓi ragamar ƙungiyar.
5. Sanata Rufa’i Hanga Ya Fice Daga NDC Zuwa APC
Sanatan Kano ta Tsakiya, Rufa’i Hanga, ya koma jam’iyyar APC bayan ya fice daga NDC. Hanga shi ne sanatan Kano ɗaya tilo da ke cikin NDC kafin sauyin jam’iyyar.
Premium Times Nigeria
MANYAN LABARAN NAJERIYA
1. Tinubu Ya Bukaci Shugabanni Su Sanya Amfanin Jama’a Gaba
Shugaba Bola Tinubu ya yi kira ga shugabannin Najeriya da su fifita muradun jama’a da ci gaban ƙasa maimakon son kai.
Nigeria Info, Let’s Talk!
2. Tinubu Ba Zai Fuskanci Takunkumi A Amurka A Lokacin UNGA Ba — Jakadan Najeriya
Jakadan Najeriya a Majalisar Ɗinkin Duniya, Jimoh Ibrahim, ya yi watsi da rahotannin cewa Shugaba Tinubu na iya fuskantar kama ko takunkumi yayin halartar taron UNGA a Amurka.
The Times
3. Najeriya Ta Ƙara Ƙarfafa Tattalin Arzikinta A Kashi Na Biyu Na 2026
Tattalin arzikin Najeriya ya ƙaru da 4.43% a zangon biyu na 2026, daga 3.89% a zangon farko, bisa bayanan NBS. Ƙarin samar da mai da ci gaban ɓangaren da ba na man fetur ba sun taimaka wajen bunƙasar.
Reuters
4. NCDC: Jihohi Takwas Sun Samar Da Kashi 98% Na Diphtheria A Najeriya
NCDC ta ce Kano, Borno, Plateau da wasu jihohi biyar ne suka samar da kusan kashi 98% na adadin tabbatar da cutar diphtheria a Najeriya. A tsakanin 24–30 ga Agusta, an samu mutane 48 da aka tabbatar suna dauke da cutar da kuma mutuwar mutane huɗu.
Channels Television
5. An Ruwaito Mutuwar Mutane Akalla 37 A Wani Lamarin Satar Danyen Mai A Rivers
Akalla mutane 37 sun mutu bayan sun shaƙi hayaki mai guba yayin wani yunƙurin satar danyen mai a Rivers State. ’Yan sanda sun tabbatar da faruwar lamarin, yayin da ake ci gaba da bincike kan adadin mutanen da suka mutu da waɗanda suka ɓace.
AP News
6. Darajar Naira Ta karu a farkon Makon akan Dala
A yau, an ruwaito dala tana kusan ₦1,321.68 a kasuwar hukuma, yayin da farashin kasuwar bayan fage ya kai kusan ₦1,400–₦1,410 ga dala.
Vanguard News
7. NiMet Ta Yi Hasashen Ruwan Sama Da Tsawa A Sassan Najeriya
Hukumar Kula da Yanayi ta Najeriya (NiMet) ta yi hasashen ruwan sama mai matsakaici da tsawa a sassan Arewa da tsakiyar Najeriya a yau Litinin.
Trending News
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai A
lfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t