Tsohon Dan Takarar mataimakin gwamna a jam’iyyar APC a shekarar 2023, Murtala Sule Garo, ya taya al’ummar Musulmi barka da sallah.
Garo ya bayyana hakan ne cikin wata sanarwa da ya fitar a ranar Juma’a, Yana mai kira ga al’umma da su sanya Najeriya cikin addu’o’insu.
A cewarsa, lokacin bubukuwan Sallah dama ce da kowa zai ya amfani da ita wajen kyautata mu’amularsa da Allah Madaukakin Sarki da Kuma tausaya marasa karfi.
Haka zalika ya zaburar da matasa da su dage wajen bada gudunmawa domin samawa Najeriya ci gaba mai dorewa.
Sanarwar ta ce, “Da sunan Allah Mai Rahama Mai Jinkai.
“Ina taya daukacin al’ummar Musulmin Najeriya murnar barka da sallah. Wannan wani lokaci ne mai matukar muhimanci a tarihin addinin Musulinci. Ya na nusar da mu tsananin biyayyar Annabi Ibrahim (amincin Allah ya tabbata a gareshi) ga Allah subhanahu wa ta’allah. Manyan darusan da za mu koya daga gareshi sun hada da kan’kan da kai da hakuri da kuma biyayya ga Allah.
“A yayinda muke gudanar da bukukuwan sallah, ina karfafawa ‘yan Najeriya gwiwa da mu dage da kaunar juna da tausayawa na kasa da mu da mara karfi da wanzar da zaman lafiya.
“Za mu iya kawo Najeriya ci gaba ne kawaii dan mu ka dunkule wuri guda da tabbatar da adalci a tsakaninmu.
“Ina kira ga daukacin al’ummar Musulmi da su yi amfani da wannan dama wajen yiwa shugabanni da jami’an tsaro addu’a, musamman wadan da su ke aiki ba dare ba rana wajen wanzar da zaman lafiya
“Ina kira da matasanmu da kada su yanke kauna da kuma su tabbatar da sun ci gaba da bada gudunmawarsu wajen gina wannan kasa. Wannan kasar na bukatarsu fiye da ko wane lokaci.
“Haka zalika kada mu manta da marasa karfin cikinmu da ‘yan gudun hijira da wadan da su ke cikin halin kaka-nikayi
“Ina rokon Allah da ya kawo mana zaman lafiya da yalwar arziki da hadin kai da kaunar juna. Allah ya karbi ibadinmu. Amin.”
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t